Celeb na natutong mag-invest hindi na kailangang mag-trabaho, dinadatnan na lang ng pera

Nakakatuwa ang isang celebrity na dahil natuto siyang mag-invest mula sa mga kinita niya sa work niya sa isang network hindi siya nag-aalala kung nababakante muna siya ngayon. Kuwento nga ng aming source, with the rent na natatanggap monthly ng cele­brity mula sa mga condominium units niya in an flush area in Makati, hindi na niya kailangang magtrabaho, dumarating na lamang sa kanya ang pera.

QC Cinema nagsimula na

Nag-start na pala kahapon ang 2nd QCinema International Film Festival na tatagal hanggang sa November 11, sa Trinoma Cinema. Sayang naman at walang masyadong publicity ang said festival na magpi-feature ng 11 films na binigyan ng post production grants ng Quezon City Film Development Commission (QCFDC).

Ang mga indie films na kalahok ay ang Diliman ni Arnel Mardoquio, 1st ko si 3rd ni Real Florido, Nick & Chai na documentary tungkol sa typhoon Yolanda, Cemetery Life ni Barbara Politsch, Tigbao ni M. Boni­facio, a trilogy directed by William Mayo, Edgardo Vinarao at Jose M. Carreon, Tila ni Rob Jara, Ang Nanay ni Justin Barber ni Victor Villanueva, Senior ni Jed Medrano, Bonifacio ni Grace Simbulan, at Sa Ngalan ni Ultimate Warrior ni Miko Livelo.  Si Eduardo Lejano ang executive director ng QCFDC na siyang namamahala sa 2nd QCinema International Film Festival na mamimigay din ng cash prizes sa deserving entries.

Dingdong at Marian may pre nuptial shoot sa Dubai

Nag-post ang mga manager nina Dingdong Dantes at Marian Rivera, sina Perry Lansigan at Rams David sa kani-kanilang Instagram (IG) accounts kahapon habang naghihintay sila ng early flight nila to Dubai para sa Kapusong Pinoy Show doon, kasama si Julie Ann San Jose at director Louie Ignacio, sa November 7.

May meet and greet muna sila sa fans nila before the show ng GMA Pinoy TV doon. Pero bago umalis, nag-attend muna ng get-together dinner ang mag-sweetheart with the family of Dingdong’s daddy. Advanced Christmas celebration na raw iyon dahil alam nilang magiging busy sina Dingdong at Marian sa nalalapit nilang kasal.  After the show, may two days pa silang rest sa Dubai bago bumalik dito dahil may mga shoot pa sila roon para sa pre-nuptial video nila.

John Lloyd ayaw mag-isip ng kontrata sa kanilang bakasyon ni Angelica

Nag-post na rin si Angelica Panganiban sa Instagram (IG) account niya na nasa States na sila ng boyfriend na si John Lloyd Cruz para sa kanilang bakasyon doon with the family of Angelica’s biological father.  Ayon din kay Lloydie, ito raw ang pinakamahabang bakasyon niyang gagawin.  Dati raw kasi, nakakapagbakasyon naman siya pero ilang days lamang dahil nahihiya siyang matagal mawawala. Being a contract star ng Kapamilya, duty daw niyang available siya anytime na kailangan siya ng network, lalo na kung may ginagawa siyang project. Ngayong libre muna siya dahil hindi pa siya nakikipag-negotiate for a new contract sa ABS-CBN, vacation holiday muna siya with Angelica. Saka na raw lamang niya iisipin ang contract negotiation niya kapag bumalik na sila.