Pancho Magno maraming lolo at lola ang pinasaya

MANILA, Philippines – Noong ika-23 ng Oktubre, ang GMA Artist Center star na si Pancho Magno ay nag-celebrate ng kanyang kaarawan kasama ang mga lolo at lola mula sa Luwalhati ng Maynila.

Inamin ni Pancho na malapit siya sa kanyang mga grandparents kaya naman napili niyang mag-celebrate at magbigay ng kasiyahan sa mga elders ng Luwalhati ng Maynila.

“Sobrang close kasi ako sa lolo’t lola ko. Lagi nilang sinasabi sa akin na ako ang pinaka-guwapo nilang apo, huwag ko na lang daw sabihin sa mga pinsan ko.”

“Alam mo ang mga lolo at lola iba e, alam mo ‘yung nakikinig sila kapag may mga problema ka. Sobrang sweet nila, laging naka-smile. Nakakaiyak lang, sana andito ang lola ko,” dagdag pa niya.

Samantala, patuloy na napapanood si Pancho Magno sa GMA afternoon prime series na Ang Lihim ni Annasandra.