Pagkanta ni Lyca kino-kopya na ng maraming bata

Katuwa ‘yung mga bagets sa kapitbahay namin, gayang-gaya nila ang boses at style ng pagkanta ni Lyca Gairanod. 

Pati ‘yung tono ng boses at paipit na hagod ni Lyca ay kuhang-kuha nila.

Malaki na talaga ang following ni Lyca na mga bulilit din.

Sana bigyan din siya ng MCA Music ng formal voice training bago niya mabuo ang kanyang album kasama sina Darren Espanto, JK Labajo, at Darlene Vibares.

Glydel panay ang golf para matanggal ang stress

Sasabak uli si Glydel Mercado sa aktingan bilang isa sa mga kontrabida sa Ang Lihim ni Annasandra sa Kapuso Network.

Challenge kay Glydel ang role kung paano niya bibigyan ng bagong atake ang kanyang pagiging kontrabida pagkatapos niyang manalo ng Best Supporting Actress sa palabas na My Husband’s Lover na bigay ng ENPRESS.

Samantala, pambalanse naman ng aktres ang paglalaro ng golf kung saan siya hooked ngayon. Pampatanggal daw ng stress ang golf.