Phil aminadong hindi pa nakaka-move on kay Angel

Matagal-tagal na ring naghiwalay sina Angel Locsin at Phil Younghusband pero inamin ng football player na bachelor at available pa rin siya. Hindi pa rin naka-move on si Phil sa breakup nila ng aktres pero masaya siya sa nangyaring balikan nila ni Luis Manzano.

Malapit na ngang mag-birthday si Phil at ang gusto niyang regalo sa sarili ay isang bonggang pahinga o bakasyon.

Alwyn trinato ng bongga

Wala kaming masabi sa bonggang launching ng Beki Boxer na magsisimula na ngayong Lunes.

Hindi kami magtataka kung bakit halos mapaluha sa galak ang bidang si Alwyn Uytingco dahil sa malaking suportang ibinigay sa kanya ng TV5 Entertainment Group head na si Ms. Wilma Galvante at presidenteng si Noel Lorenzana.

Mapapanood na ang Beki Boxer sa March 31, 7 p.m., sa TV5.

Megastar magaan ang loob kay Paulo

Sinabi ni KC Concepcion pagkadating ng bansa galing US  na nagde-date sila ni Paulo Avelino. Gusto naman ng dalaga ang aktor dahil mabuti itong tao. Kahit sa mga bata ay mabait din daw ito, ayon pa kay KC.

Nakilala na ni Paulo ang mommy ni KC nang ma-ospital ito noong December sa pulmonya. Magaan naman ang loob ng Megastar sa aktor, ayon pa sa dalaga.

Nagsimula bilang mabuting magkaibigan sina Paulo at KC at ini-enjoy muna nila ang pagiging mabuting magkaibigan.