Sayaw na pang-akit nasa librong MSV
MANILA, Philippines - Ano’ng sayaw ang pinakamabisang pang-akit sa iyong minamahal? Kilos na at maging bahagi ng kakaibang pag-ibig sa bagong serye ng My Special Valentine (MSV) pocketbooks. Sa pagkakataong ito, ang kasiyahan sa pagbabasa ay magpapagalaw sa iyong katawan at magpapainit sa puso’t isipan nang higit sa inaasahan. Kasama ng kapareha, hataw na at sabayan ang musikang wari’y walang katapusan.
Ngayon, piliin ang alinman sa tango, waltz, cha-cha, disco, hiphop, at gangnam. Sa bawat estilo, may istoryang ikasosorpresa mo. Kaya agapan ang mga kopya ng MSV tulad ng Heart of reedom, Until I Met You, Dare to Love Me, Her Persistent Ex, Back to You, Married to A Temptress, Body, Heart and Soul, Heart Stealer, A Waltz to Remember, To Tango with Love, at My Private Dancer.
Samantala, inaanyayahan ng Bookware Publishing Corporation ang mga baguhan at propesyonal na manunulat na magpadala ng manuscripts para sa evaluation. Dapat ang nobela ay 96-98 na pahina ang haba, typewritten, double-spaced sa short bond paper, at may isang pulgadang pagitan sa lahat ng sulok. Para sa detalye, pakitawagan ang 986-7179.
- Latest
