Ramos pumirma uli sa B-League
MANILA, Philippines — Sa Japan pa rin maglalaro si Dwight Ramos matapos pumirma ng isang taong contract extension para sa Levanga Hokkaido sa B. League, ayon sa anunsyo ng koponan kahapon.
“Last season, Ramos, his first year with the club, played an active role in leading the team to victory with his individual scoring ability, rebounding, and steals,” ani team CEO Yo Yokota.
“In the new season, I hope that he will deepen his understanding of the team’s basketball and become more fit than last season, so that he can become a scorer for the team and play an active role as a leader who leads the team to victory,” dagdag pa ni Yokota.
Nagrehistro ng 9.5 puntos, 3.8 rebounds, 2.8 assists at 1.7 steals si Ramos sa nakaraang season.
Sa kabila nito, nagkasya lang sa 19-41 kartada ang Hokkaido para sa ika-20 puwesto ng 24-team Division I ng B. League.
Unang naglaro bilang Filipino import sa ilalim ng Asian Quota Player program si Ramos para sa Toyama Grouses noong 2021 bago lumipat sa Hokkaido noong nakaraang taon.
- Latest
