Florcerfida (61)
“HINDI ka nautusan ni Florenz na mag-abot ng juice na may kemikal kay Dong?” tanong ni Kikoy.
“Hindi. Tagahatid lang at tagasundo ako ng players. Ako rin ang lookout dahil may mga hudas na nagrereport sa motawa na nagsusugal sa room ni Florenz.”
“Mga Pinoy din ang nagrereport?”
“Oo. Pero mas marami ang Indiyano at Pakoy.”
“May insidente na bang na-raid ng motawa ang kuwarto?”
“Minsan.”
“Kuwarto ni Florenz ang ni-raid?”
“Hindi. Ibang kuwarto.”
“Anong nangyari?”
“Walang nahuli dahil nakatalon sa bintana ang players. Dala ang mga pitsa ng mahjong at iba pa.”
“Minsan lang nangyari ‘yun?”
“Oo.”
“Teka paano naman naibigay ni Cerille ang juice kay Dong na hindi naghinala na may lason iyon?”
“Hindi na nakahalata si Dong dahil walang lasa ang lason. Inimbento nga ni Florenz dahil chemist siya. Dati siyang nagtrabaho sa isang lab company. Mahusay siya.”
“Ininom agad ni Dong ang juice?”
“Oo.”
(Itutuloy)
- Latest
