‘Pitsel’ (Part 3)
NAISIP kong baka natutulog ang babae kaya hindi narinig ang aking pagtawag. Ipinasya kong dalhin pauwi ang pitsel at kinabukasan ko na lamang isasauli. Ipapaliwanag ko na lamang sa babae bukas na matagal akong kumatok sa pinto para matawag ang pansin.
Mabigat ang babasaging pitsel. Nang hinugasan ko ito at sinabon ay makintab na makintab ang pitsel. Ipinatong ko sa maliit na mesa na aking kinakainan.
KINABUKASAN, dinala ko ang pitsel para isauli sa babae.
Tumawag ako sabay katok sa bakal na gate.Gamit ang barya, yun ang ginamit kong pangkatok sa gate.
Subalit maraming beses na akong kumakatok pero walang lumalabas. Naisip ko, baka umalis ang babae—baka unuwi ng probinsiya o may nilakad na papeles.
Umalis na ako.
Bukas, ko na lang dadalhin muli ang pitsel para isauli. Pero paano kung wala na naman?
Napabuntunghininga ako.
(Itutuloy)
- Latest
