Flocerfida (54)
“Daniel! Daniel! Tao po!” tawag ni Makoy sabay katok sa pinto ng apartment. Nasa likod ni Makoy si Kikoy.
“Baka walang tao, Mak?”
“Baka natutulog pa.”
“Tumawag ka uli.”
Tumawag uli si Makoy.
Maya-maya, may narinig silang yabag mula sa loob.
May nagbukas ng pinto.
Babae.
“Si Daniel nandiyan ba?”
Hindi agad nakasagot ang babae na parang kinikilala si Makoy.
“Di ba ikaw si Mak?” tanong ng babae.
“Oo. Ikaw si Jean?”
“Oo. Nalimutan mo na agad ako, Mak.”
“Kasi matagal na nang huli tayong magkita, Jean.”
“Hali kayo. Pasok!”
“Si Daniel?”
“Nasa loob—nakahiga.”
Pumasok sina Makoy at Kikoy.
Nang nasa salas na sila, nakita ni Makoy si Daniel na nakahiga sa sopa. Payat ito. Tumanda. Tinulungan ito ni Jean na makaupo.
“Kumusta Pinsang Daniel?” bati ni Makoy.
“Eto pinsan, malapit na yatang kunin ni Lord.”
(Itutuloy)
- Latest
