Flocerfida (51)
“NATAKOT si Daniel kaya nag-file na rin para mag-finished contract. Pinagtapat sa akin ni Daniel na pinagbantaan siya ni Florenz na may mangyayari kapag nagpaiwan siya sa Saudi. Kailangan daw na sabay-sabay silang e-exit sa Saudi. Sabi raw ni Florenz, baka maghudas si Daniel,’’ sabi ni Makoy.
“Wise talaga si Florenz, ano?”
“Oo. Ang bawat sabihin niya ay batas. Walang papalag dahil mamamatay.”
“Nakakatakot pala talaga masangkot sa grupo ni Florenz.”
“Oo kaya nga nang tanungin mo ako sa nangyari kay Dong, nanindig balahibo ko.”
“Kaya pala talagang urung-sulong ka sa pagkukuwento ng mga nangyari.”
“Oo. Natatakot kasi ako na masangkot sa pagkamatay ni Dong.”
“Pero humahanga ako kay Daniel na ipinagtapat sa iyo ang mga nangyari. Hindi siya natakot kay Florenz.”
“Oo Kikoy. Hanga ako kay Daniel. May konsensiya siya.”
“Puntahan natin si Daniel, Mak. Gusto ko siya makilala.”
“Pag-iisipan ko Kikoy.”
“Bakit?”
“Baka masabit tayo.”
(Itutuloy)
- Latest
