Florcerfida (50)

“SI Florenz, Cerille at Fidel ang kumakatok. Inis daw ang tatlo dahil ang tagal buksan ni Daniel ang pinto. Pinapasok niya ang tatlo. Sabi ni Florenz may mahalaga siyang sasabihin kaya sila nagtungo sa kuwarto ni Daniel.

“Naupo silang apat sa sopa. Relaks lang daw si Florenz. Sina Cerille at Fidel ay parang hindi mapakali. Tila raw tensiyonado.

“Sabi raw ni Florenz, magpa-file na raw siya ng termination ng contract. Hindi na raw siya hihingi ng reentry visa. Kailangan daw ay makaalis na agad sa Saudi.

“Nagkatinginan daw sina Cerille at Fidel. At pagkatapos ay napagkasunduan na sila rin ay ganun ang gagawin. Magpi-finished contract na rin sila.

“Tinanong daw ni Florenz si Daniel kung ano ang balak. Hindi raw makapag-decide si Daniel. Naghahalo ang takot at iba pang isipin. Sabi ni Florenz, mag-finished contract na rin si Daniel para sabay-sabay sila na uuwi.

“Hindi pa rin daw makapagpasya si Daniel kaya nagalit si Florenz. Baka raw gusto ni Daniel na mag-hudas. Sabi ni Daniel ay hindi siya maghuhudas. Inutusan siya ni Florenz na mag-finished contract na rin. Napilitan si Daniel. Naramdaman kasi niya na may gagawin sa kanya si Florenz kapag hindi siya sumunod. “Kinabukasan, nag-file na rin siya—­finished contract na siya.” (Itutuloy)