Flocerfida (25)
“Mga bagong hire na ang natira sa kompanya natin, Kikoy,’’ sabi ni Makoy.
“Ganun ba?”
“Ako nga ang kahuli-hulihang luma na umalis. Kaya gustuhin ko man na manatili pa roon, wala na akong kaysokaran. Mga kabataan ang pumalit.”
“Kailan pa nag-alisan ang mga dati nating kasama?”
“Noong nakaraang dalawang buwan, sampu ang sabay-sabay na umalis. Noong nakaraang linggo, sampu uli at ako ngayong linggo.”
“Ano ‘yun, napagkasunduan na umalis na o talagang tapos na ang kontrata?”
“Ang iba, tapos na ang kontrata samantalang ang iba ay ayaw na—may lilipatan daw.”
“Ganun ba?”
“Ako talagang tapos na ang kontrata ko—pinlano ko talaga.”
“Maiba ako, mayroon ba tayong kasamahan na namatay dun?”
Parang nagulat si Makoy sa tanong ni Kikoy o lasing na dahil sa nainom.
“Meron. Dalawa.”
“Sinu-sino?”
“Ang isa si Max at ‘yung isa si Dong.”
(Itutuloy)
- Latest
