Lalaki na kayang mag-push ups ng mahigit 1,000 beses sa loob ng 1 oras, nakatanggap ng Guinness Record!

Isang attorney mula sa New York ang nakapagtala ng bagong world record dahil sa angking lakas nito na mag-chest to ground push ups sa loob ng isang oras.

Kinumpirma ng records keeping organization na Guinness World Records na ang 31-anyos na si Alex Capogna ang pinakabagong record holder ng titulong “Most Chest-To-Ground Push Ups in One Hour”. Ito ay matapos makapag-push ups si Capogna ng 1,246 beses.

Sa panayam kay Capogna, sinabi nito na dalawang taon siyang nag-training para maabot ang record niyang 1,246 push-ups. Matapos ang kanyang record attempt, hindi nakitaan ng pagkapagod si Capogna at agad itong nagsagawa ng isa pang record attempt para sa ibang push up record na kasalukuyan pa na-under review ng Guinness.

Ayon kay Capogna, wala siyang balak bitawan ang world record na ito at kaya niyang mahigitan agad kung sakaling may makatalo sa kasalukuyan niyang record.