Ginger (116)
GUSTO nang bitiwan ni Anton ang hawak na bato sapagkat mainit na mainit na! Subalit kakayanin niya. Susundin niya ang utos ni Tandang Nado na huwag bibitiwan ang bato.
Kailangang hawakan niya anuman ang mangyari. Makakaya niya ang lahat alang-alang kay Ginger. Kaya niyang tiisin ang lahat alang-alang sa babaing minamahal. Kailangang tiisin niya para mapagaling si Ginger.
Hanggang sa tila mawalan na siya ng ulirat sa tindi ng init ng bato sa kanyang pa-lad. Ganunman, lalo niyang hinigpitan ang paghawak. Hindi siya susuko! Wala sa kanyang bokabularyo ang pagsuko sa anumang hamon.
Hanggang sa magsalita si Tandang Nado: “Nagtagumpay ka Anton! Binabati kita!’’
Pagkatapos ay ibinuka ni Tandang Nado ang palad ni Anton at kinuha ang bato. Isinilid sa itim na supot.
Hindi naman makapaniwala si Anton sapagkat walang paso ang kanyang palad. Mainit na mainit ang bato subalit walang nangyari sa kanyang palad.
‘‘Walang paso ang palad ko Tandang Nado !’’
‘‘Dahil kahanga-ha-nga ang determinasyon mo Anton. Kakaiba ka. Talagang mahal mo si Ginger.’’
‘‘Maari na pong gamitin ito Tandang Nado?’’
“Oo.;;
“Salamat po.’’
“Ingatan mo itong mabuti.’’
“Opo.’’
“Nasa loob ng supot ang orasyon.’’
“Salamat po nang ma-rami.’’ (Itutuloy)
- Latest