^

Punto Mo

Panindigan, veto sa Tampakan open-pit mining project

QUESEJODA - Butch M. Quejada - Pang-masa

NANAWAGAN ngayon ang environmental activist group na Kalikasan People’s Network for the Environment (Kalikasan PNE) ng “decisive follow-up” matapos i-veto kahapon ni South Cotabato Governor Reynaldo Tamayo Jr. ang iba’t ibang permit na inisyu sa Tampakan open-pit mining project.

 “Ang pag-veto ni Tamayo sa tangkang pagtanggal ng open-pit mine ban ay isang tagumpay para sa libu-libong nagprotesta sa mga lansangan. Hinihimok namin ngayon ang Sangguniang Panlalawigan ng South Cotabato na igalang ang kagustuhan ng mga tao sa pamamagitan ng pagtataguyod sa environment code at pag-aksyon laban sa iba’t ibang permit na inisyu sa Tampakan open-pit mine sa kabila ng pagiging ilegal nito,” sabi ni Leon Dulce, National Coordinator ng Kalikasan PNE.

Ang kampanya ay pinangunahan ng mga lokal na alyansa sa rehiyon ng SOCCSKSARGEN tulad ng Defend Tampakan at Tampakan Forum. Dalawang beses na kumikilos ang mga pormasyon sa harap ng Kapitolyo sa South Cotabato, para ipanawagan ang pag-veto ng resolusyon para amyendahan ang environment code.

“Hinihikayat namin si Gov. Tamayo at ang pamahalaang panlalawigan na ipawalang-bisa ang anumang mga permit na inisyu ng pambansang pamahalaan sa minahan ng Tampakan at mag-isyu ng mga restraining order laban sa anumang aktibidad sa pagpapaunlad na sinimulan na ng Sagittarius Mines Inc. at iba pang mga tagapagtaguyod ng minahan,” sabi ni Dulce.

Ang mga online, lokal at internasyonal na manifesto ay ipinakalat, na nagpapakita na ang Tampakan copper mine ay magiging isa sa pinakamalaki sa mundo kung ipagpapatuloy.

“Ang mga taga-Mindanao sa buong lugar ng Tampakan ay nakatuon sa kanilang pakikibaka upang ipagtanggol ang kanilang lupain, buhay, at kapaligiran. Dapat nating ipagpatuloy ang ating pagsisikap na iligtas ang Tampakan mula sa mapanirang malawakang pagmimina, at ipaalam sa ating mga opisyal ng gobyerno na tayo ay seryoso at nakatuon sa pakikipaglaban para rito,” pagtatapos ni Dulce.

MINING

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with