ISANG tupa sa South Sudan ang makukulong ng tatlong taon matapos mapatunayang guilty sa pagpatay sa isang 45-anyos na ginang.
Ang nasabing tupa ay inaresto ng mga pulis noong Mayo 17 dahil sa pag-atake nito sa ginang na si Adhieu Chaping.
Ayon sa panayam ng Eye Radio sa Rumbek East police, agad namatay sa injuries si Chaping matapos siyang atakihin ng tupa at napinsala ang kanyang mga tadyang.
Ikukulong ng tatlong taon ang tupa sa isang military camp sa Aduel County headquarters.
Bilang parusa sa nagmamay-ari ng tupa na si Duony Manyang Dhal, ibibigay nito ang kanyang limang baka bilang danyos perwisyo sa pamilya ng biktima.
Pagkatapos ng tatlong taong pagkakakulong, mapupunta ang tupa sa pamilya ng biktima.