Shinto Shrine sa Japan, nagbebenta ng anting-anting para hindi masira ang gadgets!
ANG Kanda Myojin ay sikat na Shinto shrine sa Tokyo. Nagbebenta sila ng mga dasal, anting-anting at iba’t ibang pampasuwerte.
Matatagpuan ito sa Akihabara, ang distrito na kilalang bilihan ng mga computers, gadgets, anime at manga.
Kaya karamihan sa mga nakabili ng computer sa Akihabara ay dumidiretso sa Kanda Myojin shrine para bumili ng anting-anting na “computer function amulet” na sinasabing nakakatulong na huwag masira ang mga computer ng nagmamay-ari nito!
Ayon sa Shinto priest ng Kanda Myojin, kung susundin ang nakalakip na instruction sa amulet, makatutulong ang “computer function amulet” na makaiwas sa virus, malware at system crash.
Nagkakahalaga ng 1200 Yen (katumbas ng P490) ang anting-anting at maaari itong bilhin sa shrine o kaya ay sa kanilang official website.
- Latest
