_pang-masa
^

Punto Mo

Ipinahamak ng maling gamot

DIKLAP - Annabelle O. Buenviaje - Pang-masa

SI John Montin ay isang mabuting mamamayan ng isang maliit na bayan sa Nebraska, USA, na kahit kailan ay hindi napapasama sa kahit anong klaseng gulo. Okey na sana ang buhay niya, maliban sa matagal na niyang pinoproblemang sakit sa likod.

Isang araw noong 1993, uminom siya ng gamot na pantanggal sa kanyang back pain. Hindi binanggit kung ang gamot ba ay matagal na niyang iniinom o first time lang. Hindi rin matiyak kung ang gamot ay may prescription ng doktor o wala. Basta’t pagkaraan ng ilang oras matapos niyang inumin ang gamot, nawala siya sa sarili.

Naglakad siya nang naglakad hanggang nakarating sa isang bahagi ng Nebraska kung saan nakatayo ang isang magandang bahay. Kumatok ito at nang pagbuksan ng may-ari ay biglang nagsisigaw si Montin. Pinalalayas ni  Montin ang mga nakatira sa magandang bahay dahil iyon daw ay ipinamana sa kanya ng mga ninuno niya.

Kinabukasan, natanggal na ang epekto ng gamot kaya bumalik muli ang kanyang katinuan. Kaya lang nakakulong na siya sa presinto ng pulis. Ayon sa mga pulis, umabot ng 11 oras siyang nakipagbarilan sa may-ari ng bahay at sa mga pulis. Mabuti na lang at walang tinamaan sa pagbabarilan.

Sa halip na kasuhan, si Montin, ipinasok siya sa mental institution. Natuklasan ng mga doktor na ang gamot na ininom ni Montin matapos siyang mawala sa sarili ay nagdudulot ng psychosis—nawawala ang katinuan ng isip.

Sa loob ng 20 taon, ikinulong si Montin sa mental institution kahit na nag-aapela siya na hindi siya baliw. Binigyang importansiya ng mga doktor ang report ng mga pulis pero hindi nila sinuri ang mismong pasyente. Sa kakukulit ni Montin na matino siya, saka lang nagsagawa ng isang kumpletong pagsusuri ang ospital. Sa wakas, napatunayang walang sira ang kanyang pag-iisip kaya pinalaya siya.

Idinemanda ni Montin ang mental institution kasama ang paghingi ng $33 million kabayaran sa perwisyong ginawa sa kanyang buhay. Masakit isipin na sinira ng isang tabletas ang kanyang buhay. Noong 2017, tuluyang ibinasura ng korte ang kasong isinampa ni Montin sa doktor at mental institution. Ang dahilan: Montin’s malpractice claim was improperly filed in federal court.

USA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with