Paninira sa nagbabalatkayong ‘joke’

KUMALAT ang tsismis noong nakaupo pang Presidente ng United States si Barack Obama. Nagsimula ang lahat sa  interview ng 81 years old na komedyanang si Joan Rivers. Ayon sa kanya, si Michelle Obama ay isang transgender. Komedyana ang nagsalita kaya alam ng lahat na iyon ay joke.

Ipinalabas ito sa TV at pinik-ap ng talk show ni Alex Jones, ang “The Alex Jones Show”. Kahit alam niyang biro lang iyon, hinimay-himay niya ang sinabi ng matandang komedyana:

“Kahit imposibleng patunayan na tranny ang First Lady, hindi mapapasubalian na ang porma ng katawan nito ay mas bagay na panlalaki kaysa pambabae. Puwedeng totoo ang bintang na dati siyang lalaki. Mas bagay sa kanya na tawaging Michael kaysa Michelle.”

Hindi tumigil ang tsismis at sa halip ay nadagdagan pa. Kumuha raw ng surrogate mother para magbuntis kina Malia at Sasha. Kasi nga, lalaki si Michelle at hindi puwedeng magbuntis. Habang lumalawak ang tsismis at nagmumukha nang totoo ang joke, may nagpayo kay Joan Rivers na humingi ito ng paumanhin sa First Family. Sa opinyon nang marami, “bastos” ang biro ng komedyana. Ngunit tumanggi si Rivers, palusot niya: “Transgender people were some of the most beautiful in the world, so there was no reason for Obama to feel insulted.”

Makaraan ang dalawang buwan pagkatapos niyang magbiro tungkol sa First Lady, namatay si Joan Rivers pagkatapos  nitong sumailalim sa vocal cords surgery. Karma kaya ang nangyari? Sa dinami-dami ng parte ng katawan, vocal cords pa na ginagamit niya sa pagdyo-joke, ang naging dahilan ng kanyang kamatayan.

“People are quick to believe the bad things they hear about good people.” – Unknown