Kastilyo ni Dracula sa romania, nagbabakuna laban sa COVID-19
SA halip na kagat ng bampira, turok ng bakuna ang mapapala ng mga bibisita sa kastilyo ni Dracula sa Transylvania, Romania.
Nag-set up kasi ang mga medic ng COVID-19 vaccination center sa Bran Castle, na itinayo noon pang 1300s. Ang Bran Castle ang sinasabing naging inspirasyon ng tahanan ng tampok na bampira sa nobelang “Dracula”.
Libreng makakatanggap ng Pfizer na bakuna ang sinumang bibisita sa Bran Castle. Bukod doon, libre na rin ang entrance fee nila para sa isang tour ng kastilyo.
Kailangan ang gimik na ito sa Romania lalo na’t ayon sa isang pag-aaral ay isa ang Romania sa may pinakamaraming mamamayan sa European Union na hindi kampante sa pagpapabakuna.
- Latest