Isang lugar sa Japan, ipinagbabawal ang paglalakad sa escalator!

NAG-ANUNSIYO ang Saitama prefecture sa Japan na pinagbabawalan na ang kanilang mga residente na maglakad habang nakasakay sa escalator!

Ipinatupad ng Saitama prefectural assembly ang ordinansa na dapat ay humimpil lamang sa pagkakatayo ang mga taong nakasakay sa escalator.

Sisimulan sa Oktubre 1, 2021 ang kautusan na ito at inaasahan na ang mga escalator operators sa Saitama na maglagay na ng mga karatula upang masanay na ang mga residente sa bagong panukala.

Ang kadahilanan ng pagpapatupad nito ay dahil sa report ng Japan Elevator Association na mahigit 800 aksidente na may kinalaman sa paglalakad sa escalator ang naitala mula Enero 2018 hanggang Disyembre 2019.