88-anyos na lolo sa France, humarurot ng 191 kph para sa COVID-19 vaccine, arestado!
KUMPISKADO ang lisensiya ng isang 88-anyos na lalaki sa France matapos niyang paharuru- tin sa bilis na 191 kilometro kada-oras ang minamanehong sasakyan.
May kakaiba namang dahilan na ibinigay ang matanda nang ito’y pagpaliwanagin ng mga pulis: Mahuhuli na raw kasi siya sa naka-schedule niyang pagpapabakuna laban sa COVID-19 kaya siya lumampas sa speed limit.
Hindi naman naging sapat ang dahilan na ito sa mga pulis kaya bukod sa pagkakakumpiska ng kanyang lisensiya ay in-impound din ang sasakyan ng matanda.
Sa pamamagitan ng isang Facebook post, nagbigay naman ng paalala ang mga pulis kaugnay ng pangyayari.
Ayon sa post, huwag daw sanang kakalimutan ng mga motorista na ang speed li-mit ay para sa lahat at hindi exempted mula rito kahit pa ang mga 60 taon nang may hawak ng lisensiya.
- Latest