Bodybuilder sa Kazakhstan, pinakasalan ang kanyang ‘sex doll!’
ISANG Kazakh bodybuilder na nagngangalang Yuri Tolochko ang pinag-usapan kamakailan ng mga Kazakhstani netizens dahil sa pagpapakasal niya sa kanyang “sex doll”. Magarbo ang kasal na naka-post sa Instagram na may mahigit isang dosenang bisita, wedding cake at may romantic first dance pa sa kanyang sex doll!
Sa panayam ng isang internet news website kay Tolochko, sinabi niya na bago pakasalan ang kanyang sex doll na pina-ngalanan niyang “Margo”, walong buwan muna silang nag-date nito.
Matapos ang walong buwan na pagde-date, nag-propose siya kay Margo noong December 2019 at nagplano silang magpakasal ng March 2020 pero natuloy lamang ito nitong December 2020 dahil sa COVID-19 pandemic.
Kakaiba man ang relasyon at naging kasal ni Tolochko, hindi masasabing ilegal sapagkat pinapayagan sa Kazakhstan ang pagpapakasal sa katulad ni Margo na isang sex doll. Legal ang kasalang naganap.
- Latest