80 camels, sumalakay sa tatlong bayan sa Russia!
NASA walumpung camels ang sumalakay sa tatlong bayan sa Russia matapos pakawalan ang mga ito ng may-ari nilang may edad na.
Pinagwawasak diumano ng mga kamelyo ang mga bakod at hardin sa lugar. Hindi rin daw pinalampas ng mga ito ang mga tubo ng tubig at gaas sa lugar pati na ang mga bunga ng mga puno.
Dahil dito, takot na raw lumabas ang mga mamamayan ng mga sinalakay na bayan, na matatagpuan sa Astrakhan region ng Russia.
Huwag daw magkakama-ling makipagtitigan sa mga kamelyo dahil siguradong hahabulin ka ng mga ito, dagdag pa ng isa sa mga residente.
Ayon sa mga opisyal, pinakawalan ng 83-anyos na si Yuri Serebryakov ang kanyang mga alagang camel dahil hindi na raw niya kayang alagaan ang mga ito dala ng kanyang katandaan.
Tumanggi naman si Serebryakov na sagutin ang pinsalang idinulot ng kanyang mga alaga at sa halip ay iniaalok pa niyang ipagbili ang mga ito sa hala-gang 700 pounds (katumbas ng P50,000) bawat kamelyo.
Nagsampa na ng reklamo sa prosecutor ang mga mamamayang naapektuhan ng pagsalakay ng kamelyo ngunit ayon sa mga kinauukulan sa lugar, kailangan pa nilang imbestigahan kung ano talaga ang nangyari.
- Latest
