QCPD, Best Police District ng NCRPO!

BIBIGYAN ko ng espasyo ang awardees ng National Capital Region Police Office (NCRPO) nitong 119th Police Service Anniversary. Hindi biro kasi ang sakripisyo ng ating mga pulis sa NCRPO na nagsisilbing frontliners sa laban vs COVID-19 tapos hinahabol pa nila ang mga kriminal. Kaya tama lang na ang mga deserving talaga sa kanila ay hindi lang papurihan ni NCRPO chief Maj. Gen. Debold Sinas kundi bigyan din ang award para masama ito sa records nila.

Kung sabagay, trabaho ang ginawang basis sa pagpili ng awardees dahil maraming dinaanan ang mga papel nila. Walang palakasan system ha? Araguuyyy! Hak hak hak! Sa totoo lang, may 237 na symptomatic, 244 asymptomatic, 50 suspect at 106 probable COVID cases ang NCRPO subalit hindi ito naging hadlang para ituloy ng mga kasamahan nila ang serbisyo sa bayan.

Congratulations kay Brig. Gen. Ronnie Montejo matapos mahirang ang Quezon City Police District na Best Police District of the Year. Nakamtan ng liderato ni Montejo ang pinaka na award dahil sa No. 1 ito sa programang Double Barrel at pinakamaraming nakumpiska na mga baril.

Ang Pasig City police naman ang naging Best Police Station of the year at double whammy ito sa hepe na si Col. Moises Villaceran dahil napili s’yang Best Senior Police Commissioned Officer for Administration. Si Lt. Col. Teresita Escamillan ang Best Junion PCO for admin, si PEMS Saniata Rona Malaque ang Best Senior PNCRO, si Willy Santos ang Best NUP supervisory level at Maria Lourdes Castillano ang Best NUP for non-supervisory level.

Napili naman si Col. Remus Medina, ang intelligence chief ng NCRPO bilang Best Senior Police Commissioned Officer for Operations. May special award pa si Medina dahil sa role niya sa pagkalap ng mga pagkain at medical equipment sa laban vs COVID mula Marso 22 hanggang Hunyo 26. Ang junior PCO naman ay si Maj. Epream Paguyod, si SMS Lawrence Balanag ang Best Senior PNCO, at si Cpl. Fitz Walter Guilunan ang Best Junior PNCO. 

Ang Kamuning Police Station ng QCPD ang napiling Best Numbered Police Station; Southern Police District ang Best Women ang Children’s Protection Desk; ang Valenzuela Police Station NPD ang Best WCPD city level; ang Sta. Mesa Police Station MPD ang Best WCPD at highest number of confiscated firearms station level at Paranaque Police Station SPD highest number of confiscated firearms city level. Binigyan din ng parangal ang Pinagbuhatan Sub-Station sa Pasig; Bagong Barrio Police Sud-Station sa Caloocan City; Baclaran Police Sub-Station sa Paranaque; Smokey Mountain PCP MPD at Payatas PCP, QCPD. 

Binigyan din ni Sinas ng special awards ang mga sponsors at mga taong nag-donate ng kung anu-anong bagay laban sa virus, kasama na ang PNPA “Patnubay” Class ‘95 na nag-donate ng RT-PCR Swab Kits sa NCRPO. Mabuhay ang mga NCRPO awardees! Pinasalamatan naman ni Sinas si President Digong sa all-out support nito sa NCRPO para isulong ang peace and order sa Metro sa panahon ng pandemya. Abangan!