Ang babae sa aparador (72)
GIMBAL na gimbal si Ziarah sa nakita sa iba-baw ng kama!
Hindi tulog sina Jonas at Kat! Mayroon silang ginagawa!
Nasa ibabaw ni Kat si Jonas!
Iyon ang dahilan nang banayad na lindol.
Ipinikit na lang ni Ziarah ang mga mata para hindi makita ang nagaganap. Para kasing napakahalay para sa katulad niyang babae na masaksihan ang isang hindi kanais-nais na tanawin.
Parang hindi niya kayang pagmasdan.
Subalit malakas ang utos ng kanyang utak na nagsasabing tingnan ang nangyayari.
Huwag maging ipokrita sa katotohanan!
Muli niyang iminulat ang mga mata at sa malamlam na liwanag na dulot ng lampshade na nasa sulok ng kuwarto, nabanaagan niya nang husto ang ginagawang seremonyas. Masyadong abala ang dala-wang anino sa ibabaw ng kama. Tahimik na tahimik habang isinasagawa ang seremonyas. Sagradung-sagrado ang mga sandali.
Lalo pang nagimbal si Ziarah sa mga sumunod na tanawin. Iyon ang hindi niya inaasahan.
Nakita niya si Kat sa ibabaw ni Jonas!
Walang patlang ang pag-indayog nito. Tila ba walang ka-paguran. Walang pagkasawa.
At wala naman siyang nakikitang pagkilos ni Jonas. Nagpapaubaya.
Hindi matagalan ni Ziarah ang tagpong iyon. Bilang babae, nahihiya siya. Hindi niya kaya ang ganung tanawin.
Kahit sabihin pang ipokrita siya, hindi niya matatagalan. Parang narurumihan siya.
Dahan-dahan niyang isinara ang pinto ng aparador.
Bumalik siya sa dating pagkakaupo at pumikit. Pinilit niyang makatulog. Baka paggising niya, mayroon na siyang magagawa para makalabas ng aparador.
Baka tapos na ang dalawa at natutulog na. Maaari na siyang makatalilis.
Nakatulog si Ziarah. Mahimbing na mahimbing.
Hanggang sa ma-gising siya na may nagbubukas ng pinto ng aparador. (Itutuloy)
- Latest