Ang babae sa aparador (64)
HINDI makatiis si Jonas. Hindi niya kaya na matagal silang hindi magkikita ni Kat. Kailangang matawagan niya ito para malaman kung kailan sila magkikita.
Bahala na kung magalit sa kanya.
Pipilitin niya ito na magkita sila.
Pagdating niya sa opisina ng umagang iyon, agad niyang tinawagan si Kat.
Matagal bago sumagot si Kat.
Matamlay ang “hello” nito. Halatang kagigising lang.
Hindi na nagpatumpik-tumpik si Jonas.
“Kat, my love ilang linggo na tayong ‘di-nagkikita. Magkita tayo ngayon, sige na.’’
“Ang kulit mo naman! Sabi ng busy ako! Saka na lang. Tatawagan kita!’’
“Kailan?’’
“Basta hintayin mo ang call ko.’’
“This week?’’
“Wait ka nga lang sa call ko... ang kulit!’’
‘‘E kasi’y miss na miss kita. Gusto ko nang malasahan ang lips mo.’’
“Maghintay ka nga. Tatawagan kita.’’
“Promise?’’
“Oo! Ang kulit mo naman!’’
“Kasi nga ang tagal na nating ‘di nagkikita. Alam mo naman kung gaano kita kamahal. Nag-iisa ka lang sa aking puso.’’
“Korni mo! Sige na, inaantok pa ako. Napuyat ako dahil sa inaasikaso kong mahalaga.’’
“Ano ba ang mahalagang ‘yun?’’
“Basta! Bye!’’
“Tawagan mo ako Kat! Bye!’’
Ibinaba na nito ang phone.
Napangiti si Jonas kahit hindi natupad ang iniimadyin sa kanila ni Kat. Nangako kasi na tatawagan siya.
Hihintayin niya ang call nito.
At pagnatuloy sila, humanda ang Kat na ‘yun!
(Itutuloy)
- Latest