Lalaki sa France na sinuway ang quarantine para bumili ng yosi, naligaw sa bundok
ISANG lalaki sa France ang kinailangang i-rescue ng mga awtoridad sa kabundukan matapos niyang suwayin ang ipinapatupad na quarantine doon para lamang sa paghahanap ng murang mabibilhan ng sigarilyo.
Tinangkang pumunta ng Spain ng Pranses upang doon bumili ng sigarilyo ngunit naharang siya ng mga pulis kaya naghanap siya ng ibang daan upang makaiwas sa checkpoint.
Inakyat ng lalaki ang isang bundok, kung saan napagtanto niya na siya ay naliligaw na kaya humingi na siya ng saklolo sa mga kinauukulan.
Agad namang nagpadala ang rescue services sa lugar ng isang helicopter upang sagipin ang lalaki, na kaagad namang natagpuan na nilalamig at tuliro.
Matapos mailigtas, agad na pinagmulta ng $145 (katumbas ng P7,339) ang lalaki dahil sa ginawa niyang paglabag sa quarantine.
- Latest