Kambal na ipinanganak sa India, pinangalanang COVID at corona
ISANG mag-asawa sa Chhattisgarh, India ang nagpasyang ipangalan sa epidemya ang kanilang kambal na sanggol.
Pinangalanang “Covid” at “Corona” ang kambal na lalaki at babaing ipinanganak sa gitna ng ipinapatupad na lockdown ngayon sa India.
Hindi raw naging madali ang panganganak niya sa gitna ng kasalukuyang epidemya kaya minabuti ni Preeti Verma na ipangalan sa virus ang mga anak niya bilang alaala sa sitwasyong nararanasan ng buong mundo ngayon.
Sa pamamagitan daw ng mga napiling pangalan, matatandaan nila ang pinagdaanan ng kanyang asawa at ang matagumpay niyang pagluwal sa kanilang kambal.
Nasa 1.3 bilyong katao ngayon ang nasa mga pamamahay lamang nila sa India matapos ipatupad doon ang lockdown na nagsuspinde sa serbisyo ng mga pampublikong transportasyon.
- Latest
