Sugar Mommy (301)

IBABABA na sana ni Jane ang telepono pero may pahabol si Jericho.

“Sa pag-uwi ko na lang diyan saka tayo maligo sa sapa, Jane.’’

Nagtawa si Jane.

“Akala ko, kung ano ang sasabihin mo.’’

“Pinatatawa lang kita. Pero talagang maliligo tayo sa sapa kapag nariyan na ako. Gagawin ko muli ang ginawa ko sa’yo nung maligo tayo. Sisisirin kita!’’

“Pilyo ka talaga, Jericho.’’

“Hindi naman gaano.’’

“Gugulatin mo naman ako?’’

“Hindi.’’

“Pilyo ka talaga.’’

“O sige na. Babay na.’’

“Babay. I love you!”

IKINUWENTO ni Jericho kay Sammy ang tungkol sa nangyari kay Jane na ninakawan ito ng underwear.

“Gusto na akong pauwiin ni Jane dahil natatakot. Pati ba naman panty ay ninanakaw na ngayon.’’

“Grabe talaga ano?’’

“Dating traysikel drayber daw ang magnanakaw ng panty. Nahuli ni Jane at pinagpapalo niya. Pero pinatawad din niya dahil nagmakaawa at lumuhod pa.’’

“Ano raw pangalan ng traysikel drayber na magnanakaw ng panty?’’

“Mulong daw.”

“Naku si Mulong?’’

“Kilala mo?’’

“Oo. Talagang tirador ng panty ‘yun.’’

“Talaga palang notorious yun, Sammy?’’

“Oo. Maysakit yata yun. Panty-fetish yata ang tawag.’’

“Ganun nga raw ang sakit.’’

“Akala ko umalis na yun sa Pinamalayan. Naroon pa pala.’’

“Kaya talagang dapat na akong umuwi para may magbantay kay Jane.’’

(Itutuloy)