Sugar Mommy (300)

HALATA sa boses ni Jericho ang galit sa lalaking nagnakaw ng panty ni Jane.

‘‘Ano pang ginawa mo sa hayop na yun.’’

‘‘Pinaghahampas ko nang todo ng bat.”

“Mabuti at hindi ka natakot?’’

“Nagtataka nga ako sa sarili ko kung bakit ko nagawa yun.’’

“Ano raw ang pangalan ng lalaki?’’

“Mulong daw. Dating nagtatraysikel.’’

“Nagtatraysikel? Baka kilala ni Sammy yun ah. Itatanong ko sa kanya.’’

“Pero pinatawad ko na rin Jericho. Kasi’y nagmakaawa sa akin.’’

“Bakit mo pinatawad?’’

“Nagmakaawa at lumuhod nga sa akin.’’

Napahinga nang malalim si Jericho.

‘‘Hindi na raw siya uulit. E naawa naman ako.’’

‘‘Dapat mabigyan ng leksiyon yun.’’

“Pero dinala siya ng mga tanod sa barangay hall kahit pinatawad ko. Iimbestigahan pa rin.’’

Napahinga uli si Jericho.

At nang magsalita ay may lamig na sa boses.

“Sige mag-ingat na lang kayo diyan.”

‘‘Oo. Mag-iingat kami.’’

‘‘Siyanga pala huwag ka nang maligo sa sapa.’’

‘‘Hindi na nga. Kasi kaya pala nagkainteres nakawin ang panty ko e dahil nakita akong naliligo.’’

‘‘Sabi ko na nga ba.’’

‘‘May lesson na ako.’’

‘‘Sige ingat na lang.’’

‘‘Jericho gusto ko umuwi ka na.’’

“Malapit na. Don’t worry.’’

“Gusto ko magkasama na tayo.’’

“Tiis na lang muna.’’

‘‘Sige Jericho.’’

‘‘Bye.’’

(Itutuloy)