Ang VAWC ng Gabriela Women’s Party

IKINATUWA ng Gabriela Women’s Party ng aprubahan ng House Bill 5869 na naglalayong amyendahan ang Anti-Violence Against Women and their Children o VAWC sa 2nd reading.

‘Violence is a stark reality that women have to struggle with every day. This legislative development sheds hope for women who were abused by their partners, as the measure expands the definition of VAWC to include forms of electronic violence, with corresponding penalties,” sabi ni  Gabriela Rep. Arlene Brosas, isa sa mga may akda ng Expanded VAWC bill.

Itinutulak nina Brosas ang E-VAWC upang tugunan ang mga butas sa Republic Act 9262 ng 2004, na nabigo upang maisama ang electronic violence na maaaring maging sanhi ng pangmatagalang mental, emosyonal o sikolohikal na pagkabalisa.

Ang HB 8655,  ay kabilang ang psychological violence na ginawa sa pamamagitan ng paggamit ng mga electronic device o information communication technology . Kasama sa mga ito ang pagkalat ng malalaswang video upang gipitin ang mga kababaihan at kanilang mga anak, panggigipit sa pamamagitan ng mga text messages, stalking at paglikha ng mga fake social media accounts na may masamang layunin at masamang hangarin na maging sanhi ng pagkabalisa ng mga kababaihan.

Ang ‘electronic violence’ ay may multang hindi bababa sa P300,000 subalit hindi hihigit sa P500,000.
Ang panukala ay nagpapalawak sa provision ng RA 9262 sa 10-day paid leave para sa mga biktima ng VAWC, na nagpapahiwatig na parusa para sa immediate supervisor o senior official na  nagbabalewala  sa biktima ng paid leave.

Pinalalawak sa HB 5869, ang komposisyon ng Inter-Agency Council on Violence Against Women and their Children isinama dito ang MTRCB, Philippine Commission on Women (PCW), Department of Science and Technology (DOST ), Department of Information and Communications Technology (DICT), Department of Foreign Affairs, Commission on Overseas Filipinos, at dalawang kinatawan mula sa civil society organizations.

Unang nag-file ng panukalang batas ang Gabriela noong pang ika - 15 Congress.

Ayos ba ito ?