Sri Lanka, bigo sa world record attempt dahil sa rami ng kambal na dumalo
BIGO ang Sri Lanka sa world record attempt nito para sa pinakamalaking pagtitipon ng mga kambal dahil masyadong maraming kambal ang dumalo.
Nagtipun-tipon ang mga kambal sa Sri Lanka sa isang stadium sa capital na Colombo sa pag-asang malalampasan nila ang 1999 Guinness World Record na naitala ng Taiwan.
Nasa 3,961 pares ng kambal, 37 sets ng triplets at apat na sets ng quadruplets ang nagtipun-tipon noon sa Taiwan.
Bagama’t malinaw na mas marami ang mga kambal na nagtipun-ipon sa Sri Lanka, hindi naman na-organisa nang maayos ang pagtitipon kaya hindi nakuha ang eksaktong bilang ng tinatayang 5,000 lumahok.
Dahil dito, hindi nakasunod ang world record attempt sa mahigpit na patakaran ng Guinness World Records.
Inaalam pa ng mga organizers kung uulitin pa nilang sumubok na makapagtala ng bagong world record.
- Latest