Pinakamalaking Christmas tree sa mundo na gawa sa plastic bottles, itinatayo sa Lebanon

ISANG bayan sa Lebanon ang kasalukuyang sumusubok na magtala ng bagong Guinness World Record sa pamamagitan ng libu-libong plastic bottles na gagamitin nila sa pagtatayo ng isang dambuhalang Christmas tree.

Plano ng mga nakatira sa bayan ng Chekka na gumamit 120,000 recyclable water bottles para sa itatayo nilang Christmas tree, at ayon sa organizers ay nakakakolekta na sila ng 105,000 bote para sa kanilang plano.

Ang layon nila ay mahigitan ang dating world record na naitala sa Mexico nang itayo roon ang isang  Christmas tree na gawa sa 98,000 plastic bottles

Inaasahang aabot ng 95 talampakan ang Christmas tree na itinatayo sa Lebanon kapag ito’y nakumpleto.

Nakatakdang pailawan ang Christmas tree sa Disyembre 7.