SUGAR MOMMY (178)
Ronnie M. Halos (Pang-masa) - October 18, 2019 - 12:00am

Itinuro ni Jericho ang nakursunadahang wedding ring na nasa eskaparteng salamin. Agad naman itong kinuha ng may-ari ng jewelery store na isang Saudi. Kilala na ng Saudi si Jericho dahil madalas ay doon siya bumibili ng alahas.

“Maganda itoh Kaba-yan,” sabi ng Saudi.

“Give me discount Sadiq,” sabi naman niya. Ang Sadiq na salitang Arabic ay “kaibigan” ang ibig sabihin.

“Okey, Kabayan. Maf muskila.’’

Isang pares ang kinuha niyang wedding ring. Mataas ang kalidad ng ginto. Tiyak na bagay kay Maia.

Isinukat niya ang para sa kanya. Parang isinukat sa palasingsingan niya. Masama ba na isukat ang singsing? Naisip niya iyon makaraang maisukat. Pamahiin lang yun. Sabi, hindi raw matutuloy ang kasal kapag isinukat ang singsing. Pero pa­ano naman malalaman kung kasya kung hindi isusukat?

Ang alam niya, trahe de boda ang bawal isukat. Kailangan sa araw mismo ng kasal dapat isuot.

Pero hindi siya gaa­nong naniniwala sa pamahiin. Sinaunang paniniwala lang iyon. Computer age na ngayon. Si Maia kaya naniniwala sa pa-mahiin?

Binayaran ni Jericho ang wedding ring. Binigyan siya ng discount ng mabait na Saudi.

“Magpapakasal ka nah Kabayan?’’ sabing naka-ngiti ng Saudi.

“Yes Sadiq. Magpapa-kasal na.’’

“O congrats, Kabayan.’’
“Shokran, sadiq.’’

 

NANG dumalaw siya kay Maia ng Biyernes na iyon, dala na niya ang singsing.

“Mayroon akong sorpresa sa’yo, Maia.’’

“Ano naman ‘yan Jericho?’’

“Buksan mo.’’

(Itutuloy)

SUGAR MOMMY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with