Cancer survivor, nilangoy ang english channel ng 4 na beses na walang tigil
ISANG US endurance swimmer ang naging kauna-una-hang tao na walang tigil na lumangoy patawid ng English Channel ng apat na beses.
Ginawa ng 37-anyos na si Sarah Thomas ang kanyang record-breaking na paglangoy isang taon matapos siyang gamutin para sa breast cancer, kaya naman dedicated ang kanyang ginawa sa mga kapwa niya cancer survivor.
Narating niya ang baybayin ng Dover sa United Kingdom nito lamang nakaraang Martes na pagod na pagod at may sore throat dahil sa nainom niyang tubig alat.
Dapat sana ay nasa 128 kilometro lamang ang kanyang lalanguyin ngunit dahil sa lakas ng alon, naging 200 kilometro ito.
May apat nang mga swimmer dati ang walang tigil na nakalangoy ng tatlong beses sa makipot na bahagi ng dagat sa pagitan ng England at France ngunit si Thomas pa lamang ang nakagawa nito ng apat na beses.
- Latest