Isdang may dalawang bibig, nabingwit sa New York
ISANG babae sa New York ang nakabingwit kamakailan lang ng inakala niya ay malaking huli lang sa Lake Champlain. Nang makita niya ito ay saka lamang niya nalamang higit pa sa isang malaking isda ang kumagat sa kanyang bingwit.
Bukod kasi sa laki nito ay may dalawa ring bibig ang nahuling isda ni Debbie Geddes.
Sa kabila ng itsura nito, nasa mabuting kalagayan naman ang isda, na pinakawalan Din ni Debbie matapos niya itong kunan ng litrato.
Mabilis na nag-viral sa social media ang litrato ng isda at maraming naging haka-haka kung ano ang dahilan ng pagkakaroon nito ng dalawang bibig.
May mga nagsasabing sanhi lamang ito ng isang injury samantalang may mga nagsasabi namang isa itong depekto mula pa sa pagkapanganak pa lang ng isda.
Mayroon ding nagsasabi na may kinalaman ang isda sa sinasabing “monster” o halimaw na tinatawag na Champ sa Amerika.
- Latest