Singsing mula India, nagtataglay ng 7,777 piraso ng diyamante

ISANG alahas mula India ang nakakuha ng world record para sa pinakamaraming diyamante sa isang singsing.

Ang singsing, na binubuo ng 18 carat golds at tinadtad ng 7,777 piraso ng diyamante, ay idinisenyo ng katulad ng Lotus Temple sa Delhi.

Tinatayang aabot sa $5 million (katumbas ng P250 milyon) ang halaga ng singsing, na nilikha ng Lakshikaa Jewels ng Mumbai.

Pinangunahan ng mismong founder ng Lakshikaa Jewels na si Naveen “Prince” Bhandari ang paglikha sa singsing.

Tinulungan siya ng 12 crafters, isang beteranong mag-aalahas at ng isang designer.

Kamakailan lang, opisyal nang kinilala ng Guiness World Record ang singsing bilang piraso ng alahas na may pinakamaraming taglay na diyamante.