Sulyap sa Microsoft founder, Bill Gates

(Part I)

• Isa siya sa pinakamayamang tao sa buong mundo na may net worth na $94.4 billion.

• Mula 1995 hanggang 2017, siya ang nasa Top 1 ng Forbes’ list of world’s billionaires. Naging number 2 na lang siya sa 2018 Forbes’ list dahil ang naging Top 1 ay si Jeff Bezos, ang founder ng Amazon.

• Color-blind siya. Hindi niya nakikita ang color green.

• Taon 1968, 13 years old siya noon nang mahilig siya sa computer. Ang school na pinag-aaralan niya ay isa sa mga kakaunting schools na may computer.

• Noong nasa high school, 50 books per year ang natatapos niyang basahin.

• Hindi lang siya reader, writer din siya ng dalawang libro: The Road Ahead na na-published noong 1995, co-writer niya ang Microsoft executive na si Nathan Myhrvold. Ang ikalawang libro, Business @ the Speed of Thought, ay na published naman noong 1999.

• Hindi niya natapos ang pag-aaral sa Harvard. Dalawang taon lang siyang nag-aral doon at nag-dropped out siya.

• Iisa lang ang wikang alam niya, ang English. Wala siyang oras para mag-aral pa ng ibang wika at iyon ay pinanghihinayangan niya.

• Bukod sa pagiging pilantropo, wala siyang eskandalong kinasangkutan. Kaya lang, pagdating sa pagsunod sa rules and regulations, dito siya mahina. Noong 1975, ang 22-year-old Gates ay naaresto dahil sa speeding and driving without a license. Naaresto ulit siya noong 1997, hindi huminto kahit naka-red light na at driving without a license.

• Mahilig siya sa music. Fan siya ng ilang sikat na rock bands.

• Hinahangaan at inspirasyon niya si Leonardo da Vinci. Binili niya ang isang obra ni da Vinci sa halagang $30.8 million.

• Officemate niya sa Microsoft ang kanyang napangasawang si Melinda.

• Sa kabila ng pagiging bilyonaryo, plano nilang pamanahan lang ng $10 million ang bawat isa nilang anak. Hindi raw mainam na pamanahan ang mga anak ng malaking halaga.

• Ang araw niya ay planado ng minute-by-minute schedule kagaya ng schedule ng US Presidents.

(Itutuloy)