Matandang Tinali (168)

NANG maluto ang ginisang sardinas, nagsandok na si Joy ng kanin. Inilagay sa isang mangkok ang sardinas. Napakabango dahil sa sibuyas at bawang.

“Hmmm, bango. Lalo akong nagutom Joy!’’

“Sige na, kain na Dong. Ilalagay ko lang ang himagas natin sa malaking tasa.”

“Aba nakapagluto ka rin  ng himagas natin.’’

“Oo. Saging na saba na iniluto ko sa asukal. Masarap lagyan ng gatas.’’

“Ang galing mo talaga, Joy.’’

“Konti lang, Dong.’’

Nagsandok ng kanin sa kanyang pinggan si Dong. Kumuha ng sardinas.

“Halika na Joy. Sabay na tayo.’’

“Oo sige. Sandali lang.’’

Nang maihanda ni Joy ang himagas, naupo na siya sa tabi ni Dong. Ipinaglagay siya ni Dong ng kanin sa pinggan.

“Salamat Dong.’’

Iniabot ni Dong ang mangkok ng sardinas kay Joy. Kumuha si Joy.

“Salamat Dong. Kain na tayo.’’

Kumain sila.

“Ang sarap ng ginisang sardinas Joy. Perfect!’’

Nagtawa si Joy.

“Para namang napakahirap lutuin niyan, he-he-he!’’

“Para sa akin perfect ang luto mo.’’

“Thanks Dong.’’

“Gusto ko magluto ka pa ng iba pang putahe.’’

“Hayaan mo at gagawin ko.’’

“Kapag mag-asawa na tayo, tiyak na marami akong makakain.’’

“Gagawin ko, Dong.’’

Nang matapos silang kumain, sinubuan ni Joy ng himagas na saba si Dong.

“Ang sarap nito, perfect uli!”

Kinurot ni Joy sa tagiliran si Dong. Napaiktad at nagtawa si Dong.  (Itutuloy)