British cyclist, binisikleta ang buong kahabaan ng South America
NAGAWANG lakbayin ng isang dating miyembro ng British special forces at ngayo’y cyclist na ang buong kahabaan ng South America nang mas mabilis ng 10 araw sa dating world record.
Nakumpleto ni Dean Stott ang kanyang paglalakbay noong Miyerkules matapos siyang magbisikleta sa loob ng 48 araw at 54 minuto simula noong Pebrero 1. Noong 2009 pa naitala ang dating world record na 58 araw, 3 oras at 45 minuto.
Bahagi lamang ng mas malaki pang hamon ang ginawang paglalakbay ni Stott. Plano niya kasing ituluy-tuloy ang kanyang pagbibisikleta papuntang Central at North America hanggang sa marating niya ang Alaska.
Tinatayang nasa 22,000 kilometro ang lalakbayin ni Stott kung sakaling makumpleto niya ang kanyang planong paglalakbay.
Layon din niyang magawa ang lahat ng ito nang mas mabilis sa 117 araw, na siyang kasalukuyang world record.
- Latest