10 bagay na tinatanong tungkol sa Pope

6—Ano ang ginagawa kapag namatay ang Pope?

Kapag natiyak na ang kanyang pagpanaw, ang singsing ng Pope ay sinisira. Mayroon pang tradisyunal na seremonya. Pagkatapos ng seremonya ay saka isasagawa ang announcement ng kanyang pagpanaw sa publiko.

7—Nanonood din ba sila ng TV at pelikula?

Tao rin naman sila at kailangan ang paglilibang. Sa katunayan ang Vatican ay may sariling film library na may 8,000 titles at maliit na movie theatre. Si Pope Francis ay hindi nanonood ng TV since 1990 dahil iyon daw ang pangako niya sa Mahal na Birhen. Sa miyembro lang ng kanyang Swiss guards siya nagtatanong tungkol sa kanyang favourite soccer team. Pero patuloy pa rin siyang nanonood ng kanyang mga paboritong pelikula.

8—Ano ang dapat nilang kainin? O, inuming alak?

Walang limitasyon sa pagkain at alak. Pero dahil matatanda na ang nagiging Pope, sila na lang mismo ang naglilimita sa kanilang mga sarili. Mahilig sa pizza si Pope Francis pero ang sabi niya, ang nami-miss niya ay pagkain ng pizza mismo sa restaurant. Iba raw ang sarap kung doon mismo kakainin kumpara sa delivery.

9—Puwede ba silang maghubad ng abito at mag-casual dress?

Pinapayagang mag-casual dress pero hindi dapat makita ng publiko. Kahit pa ito ay outfit para sa sports nilang ginagawa kagaya ni Pope John Paul II na isang avid sportsman.

10—Tinatakasan ba nila ang kanilang guard para lumakad nang nag-iisa?

Halos lahat ng mga naging Pope ay nakaranas na takasan ang kanilang guwardiya. Kagaya ni Pope Francis, tumakas para personal na puntahan ang kanyang optician na gumagawa ng kanyang eyeglasses. Lens lang ang pinapalitan. Dati pa rin frame ang ginamit. Sarili niyang pera ang ibinayad sa lens.