^

Police Metro

PDEA: Politiko sa Mindanao, utak sa Laos drug bust

Doris Franche-Borja - Pang-masa

MANILA, Philippines — Natukoy ng Philippine Drug Enforcement Agency (PDEA) ang isang ‘di pi­na­ngalanang politiko mula sa Mindanao na umano’y nagpondo sa eropla­nong ginamit para sa pagdadala ng 521 kilo na umano ay shabu na nagkakahalaga ng P3.54 bilyon na nasabat sa Laos at nakatakda sanang ipuslit sa Pilipinas.

Sinabi ni PDEA spokes­person Atty. Joseph Fre­derick Calulut na hindi pa nila maibubunyag ang pangalan ng financier na isang halal na opisyal na nakabase sa Mindanao dahil patuloy pa ang imbestigas­yon at pangangalap ng ebi­densya.

Ayon kay Calulut, nagkakahalaga ng $49,500 o katumbas ng humigit-kumulang P3.1 milyon ang chartered private jet na umano’y nakatakdang ga­mi­tin sa operasyon.

Una nang kinilala ng PDEA ang dalawang Pilipinong sangkot umano sa kaso na gumagamit ng mga alyas na “Fahad” at “Boyet”.

Naaresto na si Fahad sa Laos, habang huling namataan si Boyet sa Hong Kong.

Natukoy na rin nila ang mga posibleng kasamahan ng dalawa, ngunit hindi pa tinukoy ang kabuuang bilang ng mga iniimbestigahan.

Inihahanda ng PDEA ang pagsasampa ng kaso sa ilalim ng Section 5 ng Republic Act 9165 o Comprehensive Dange­rous­ Drugs Act of 2002, na may kaugnayan sa ilegal na pagbebenta, pagdadala, paghahatid, pamamahagi o pagtutulak ng ilegal na droga.

Kinumpirma naman ng National Bureau of Investigation (NBI) na mayroon na itong 10 persons of interest sa hinihinalang smuggling operation, ngu­nit hindi pa natitiyak kung kabilang dito sina Fahad at Boyet.

PDEA

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with