P18.9 milyong transaksiyon sa joint bank accounts ni Duterte-Sara - AMLC
MANILA, Philippines — Kinumpirma ng Anti-Money Laundering Council (AMLC) sa Senate impeachment court na may dalawang malalaking transaksiyon na nagkakahalaga ng halos P18.9 milyon sa joint bank account nina Vice President Sara Duterte at ng kanyang ama na si dating Pangulong Rodrigo Duterte.
Sa ika-33 araw ng paglilitis sa Senate impeachment, ito ang inihayag ni AMLC Secretary Executive Director Ronel Buenaventura sa kaniyang pagtayo sa witness stand kaugnay ng pagpiprisinta ng prosecution panel sa ‘unexplained wealth ‘ laban kay VP Duterte.
Ayon kay Buenaventura ang Bank of the Philippine Islands (BPI) ay iniulat na noong Abril 8, 2013 ay winitdraw sa joint account ang P9,109,644.80 milyon na may katumbas na foreign exchange na nagkakahalaga ng $ 221,322.76.
Inihayag nito na ang base sa rekord ay hindi naman nakalagay kung dolyar o peso ang winidraw base sa report mismo ng bangko.
Tinukoy rin ni Buenaventura na may hiwalay ring transaksiyon sa BPI sa parehong account noong Marso 9, 2011 na nagkakahalaga ng P9,785,744.55 milyon na ang katumbas sa dolyar ay $225,581.94. Inihayag nito na ang transakyon ay na-code bilang debit memo pero hindi madetermina mula sa AMLC recor kung ano ang kahulugan ng nasabing debit memo at ang kabuuang halaga ng dalawang transaksiyon sa peso ay P18,895,389.35 milyon.
Tinutulan naman ng defense panel ang presentasyon ng foreign currency sa impormasyon na iginiit na ang foreign currency deposits ay protektado ng confidential laws.
- Latest



















