Pagdinig ng Senate Blue Ribbon ng Cayetano bloc, ‘irregular’ - law experts

MANILA, Philippines — Nagsalita na ang mga legal na eksperto ng bansa na “irregular” ang idinaos na pagdinig ng Cayetano bloc Blue Ribbon Committee noong Hunyo 4, dahil sa kawalan ng Senate secretary at stenographer na magrerekord sa kaganapan.
“Hindi matutulungan ‘yung pagsusulat ng batas kung walang record ‘yung mga senador noong mga naganap at nasabi. Kaya nga mukhang irregular ‘yung nangyari kahapon (Hunyo 4),” sabi ni UP College of Law Associate Dean Atty. Paolo Tamase noong Biyernes.
“Mayroon irregularity doon sa proceeding (yesterday) kasi nga po if you noticed wala nga, based on the write-ups that read ‘no, wala nga pong stenographer, and there was also no Senate secretary… Kasi nga wala ngang authority, kumbaga ‘yung proceeding, it’s as if it did not happen or it did not take place,” sabi rin ni IBP National President Atty. Allan Panolong nitong Biyernes.
Sa panig ng Gatchalian bloc, itinuring nilang “unauthorized gathering” ang pagdinig ng Blue Ribbon Committee na itinuloy sa kabila ng pag-postpone ng kanilang komite.
Sinabi ng bagong talagang chairman ng nasabing komite na si Sen. Erwin Tulfo na “invalid” ang hearing.
“Kasi po hindi naman po recorded po ‘yon. Hindi po ba wala pong ahente sa Senate po namin na books, so wala pong saysay maski manumpa sila hanggang gusto nila, Ibigay man nila sa Ombudsman ‘yon eh hindi po tatanggapin ‘yon,” pahayag ni Tulfo sa panayam ng Balitanghali.
Ang Cayetano bloc-led hearing noong Hunyo 4 ay nagprisinta ng 18 “ex-Marines” bilang resource persons na nagsangkot na naman sa mga panibagong personalidad na nabigyan diumano ng male-maletang cash kaugnay sa flood control scandal.
Ipinaliwanag pa ni Tamase na ang 18 resource persons ay hindi mabibigyan ng immunity, ideklara mang legal o hindi ang hearing dahil hindi nakasunod sa requirements kaya maaari silang mapanagot sa libel at defamation.
- Latest

















