3 wanted na pumalag sa arrest warrant, patay sa shootoout
MANILA, Philippines — Tatlong lalaki na wanted sa pagnanakaw ng motorsiklo at drug trafficking ang nasawi nang makipagbarilan sa mga awtoridad matapos pumalag sa isisilbing warrant of arrest sa kanila naganap kahapon sa Brgy. Kilada, Matalam, Cotabato.
Kinilala ang nasawing wanted na si Ian Unsil Manial, 30-anyos habang inaalam pa ang pagkakakilanlan ng dalawang kasama nito.
Sa ulat, nagtungo ang mga pulis sa bahay ni Manial sa Purok 6 ng nasabing barangay upang isilbi sana ang warrant of arrest.
Papalapit pa lamang ang mga pulis nang pagbabarilin ng mga suspek gamit ang M16 assault rifle kaya’t napilitang gumanti ang mga una na kung saan ay napatay ang tatlo.
Nabatid na si Manial ay wanted ng mahigit 10 high-profile criminal cases na nakapending sa iba’t ibang korte sa Cotabato habang ang dalawang kasama nito ay nagbebenta ng shabu at marijuana sa kalapit na mga bayan ng lalawigan.
- Latest
