Dalaga patay sa kagat ng bubuyog
MANILA, Philippines — Isang 19-anyos na dalaga ang nasawi habang nilalapatan ng lunas sa ospital matapos na manghina at nawalan ng malay matapos makagat ng isang malaking bubuyog sa kanilang lugar sa Barangay Tamban sa Malungon, Sarangani nitong Biyernes.
Sa ulat nitong Linggo ng mga local executives at ng mga kawani ng Malungon Municipal Disaster Risk Reduction and Management Office, maselang allergic reaction sanhi ng kagat ng bubuyog sa kanyang noo ang dahilan kaya nanghina, nahirapang huminga at tuluyan namatay ang biktimang si Krizel Abayon.
Ayon sa ina na kanyang binigyan ang anak ng isang anti-allergy tablet matapos makagat ng malaking bubuyog sa kanilang bakuran ngunit hindi na naagapan ang kanyang panghihina at nawalan na ng malay kalaunan kaya’t dinala nila sa ospital.
Ayon sa mga magulang at mga kakilala ay matagal ng may allergic sa kagat ng mga insekto ang biktima.
- Latest
