Presidential Lingkod Bayan Award nasungkit ulit ni Mayor Joy

MANILA, Philippines — Sa ikatlong pagkakataon, muling kinilala si Quezon City Mayor Joy Belmonte bilang Regional Awardee ng Presidential Lingkod Bayan Award para sa 2025 Search for Outstanding Government Workers Honor Awards Program (HAP) ng Civil Service Commission (CSC).

Muling nasungkit ni Mayor Belmonte ang patimpalak bunga ng good governance na isinusulong ng alkalde sa lungsod.

Makailang beses na ring nakatanggap ng pagkilala si Mayor Belmonte  nang gawaran ng Pambansang Natatanging Alkalde –Saludo Exellence Awardat Pinakanatatanging Alkalde ng Asya ng Idol Chonicle Awards 2024 at Natatatanging Tagapaglingkod na ipinagkaloob ng RP Mission and Development Foundation Inc. Kinilala rin bilang Best Mayor ng NCR si Mayor Belmonte sa nagdaang Quezon City Journalists Group Inc. Media Awards dahil sa sipag at tapat na paglilingkod at pamumuno sa QC.

Tumanggap din si Mayor Belmonte ng Visionary vanguard Award mula sa Seagulls Flock Organization dahil sa adbokasiya na isulong ang programang tumutugon sa mental health recovery at inclusive Community Development sa QC. Outstanding leader din si Mayor Belmonte at  nakakuha ng apat na taong unqualified opinion mula sa Commission on Audit-highest Audit Rating at apat na beses na nakakuha ng SGLG award at back to back winner sa CSC awards bilang Pinakamahusay na alkalde sa Pilipinas –Gawad Pilipino Award.