Pangulong Marcos: Pagresponde ng mga pulis ‘di dapat lalampas sa limang minuto
MANILA, Philippines — Ipinag-utos ni Pangulong Ferdinand Marcos Jr., sa Philippine National Police ang karagdagang police visibility upang agad na makaresponde na hindi lalampas sa limang minuto upang masawata ang posibleng paggawa ng krimen.
Sa podcast interview ng Pangulo, inatasan din nito ang PNP at Department of Interior and Local Government (DILG) na magkaroon at siguruhin na ang kapulisan ay malapit sa tao.
“So ang una naming ginawa, inutusan ko silang ng DILG at saka Chief PNP sinabi ko sa kanila, dapat laging may nakikita na
pulis na naglalakad. Kasi pagtagal ng panahon, nakikilala mo na ‘yun,” pahayag ni Pangulong Marcos.
Kapag madalas din aniyang nakikita ng mga tao ang mga pulis sa lansangan ay nararamdaman nilang ligtas sila at magiging kaibigan pa nila ito.
Pinuna naman ng Pangulo ang maraming emergency numbers kaya nagkakaroon ng kalituhan sa publiko, kaya magpapatupad ang gobyerno ng single crisis hotline para sa emergency hotlines tuwing mayroong krisis.
“Di ba mayroon tayong iba-iba eh – 119, 911, 999, kung anu-ano. Gagawin naming isa,” ayon pa sa pangulo.
- Latest
