2 waging partylist group hindi iprinoklama ng Comelec
MANILA, Philippines — Hindi iprinoklama kahapon ng Commission on Elections (Comelec) ang dalawang partylist groups na nanalo sa midterm polls dahil sa nakabinbing resolusyon ng kani-kanilang kaso sa poll body.
Ayon kay Comelec chairman George Garcia na hindi iprinoklama ang Duterte Youth na nakakuha ng tatlong puwesto at ang Bagong Henerasyon, na may isang puwesto.
Sa isang press briefing, bago ang proclamation ng partylist winners, nilinaw naman ni Garcia na ang suspensiyon ay hindi nangangahulugang hindi na maipuproklama ang mga naturang grupo.
Sa halip ay maaantala lamang aniya ang proklamasyon hanggang sa sandaling maresolba na ang kinakaharap nitong kaso.
Ang proklamasyon para sa partylist groups na nagwagi sa midterm polls ay idinaos kahapon ng hapon sa The Manila Hotel, Tent City.
- Latest
